Սանկտ Պետերբուրգի Օրենսդիր մարմնի պատգամավոր Վիտալի Միլոնովը պատրաստվում է մինչև շաբաթվա վերջ դատախազություն բողոք ներկայացնել Լեդի Գագայի դեմ: Պատգամավորը բողոքում է, որ երգչուհին կոչ է արել անչափահասներին պաշտպանել համասեռամոլներին, համերգի ընթացքում ոչ նպատակային է օգտագործել ՌԴ դրոշը և ստեր է հնչեցրել Ռուսաստանի հասցեին:
Սանկտ Պետերբուրգում կայացած համերգի ժամանակ երգչուհին հանդիսատեսին էր ներկայացրել իր նոր Born This Way ալբոմը, որի 6 միլիոն օրինակ արդեն իսկ վաճառվել է: Թեպետ համերգի ընթացքում նկարահանումներ կատարելն արգելված էր, բայց Միլոնովի խոսքով` տեսագրություններ կան, որոնք ապացուցում են իր մեղադրանքների ճշմարտացիությունը: